Kituo cha Elimu cha Omani = Oman Studies Centre

OMAN STUDIES CENTRE
for Documentation and Research on Oman and the Arabian Gulf (Kituo cha Elimu cha Omani -
kwa Nyaraka na Utafiti kuhusu Omani na Ghuba)

[Deutsch] - [English] - [Español] - [Français]

NIA NA MADHUMUNI

Kituo cha Elimu cha Omani (Oman Studies Centre) kilianzishwa nchini Ujerumani mwaka 1975 kama kituo cha nyaraka kuhusu Omani na Ghuba. Ni kituo kinachojitegemea, kisichokuwa cha kiserikali na ni taasisi ya Elimu isiyokuwa ya kibiashara, ambayo kazi yake kubwa ni kukusanya habari kuhusu Omani, kusaidia na kuhakiki utafiti kuhusu Omani na kuukuza ili watu waipende Omani, Sambamba na mtazamo wa fani mbalimbali za kituo hiki. Nyanja zinazopendelewa ni pamoja na Historia ya Omani kwa upana zaidi, Jiografia, Utamaduni, Uchumi, Sanaa, Sheria, Lugha, Historia ya asili na hata inajumuisha mada ndogondogo, kama vile ukusanyaji wa Stempu na medali za zamani.

Kituo cha Elimu cha Omani kinalenga Hasa katika:

Kuhimiza masomo kuhusu Historia ya Omani na ya jamii yake, Uchumi na hali ya kijamii katika Usultani wa Omani
Kuwezesha watu kupata habari za Omani na kuzichapisha
Kukusanya nyaraka za rejea na kutayarisha nyaraka kuhusu Omani
Kukuza na kuhakiki utafiti kuhusu Omani
Kutoa habari sahihi na za karibuni kabisa kuhusu Omani kwa watafiti, Wasafiri, Waandishi wa Habari na wafanyabiashara.

ENEO

Maeneo ya Kijiografia yaliyolengwa na Kituo cha Elimu cha Omani ni yale ya Usultani wa leo wa Omani, sambamba na maeneo ambayo kihistoria yalikuwa chini ya Omani. (Kama vile Suahil Uman - Inayojulikana kwa sasa kama UAE, Mwambao wa Makran wa Irani na Pakistani, Zanzibar (Unguja, Pemba) na Mwambao wa Afrika Mashariki (Mombasa, Kilwa, Lamu, Pate, ...).

VIFAA / ZANA

Kituo kinayo maktaba mahususi yenye makusanyo maalum kama vile nyaraka za vipande vya magazeti, Kadi za orodha ya majina ya vitabu (katalogi), kumbukumbu za vitabu na habari nyingine. Toleo hili la ukurasa wa WEB ni hatua ya kwanza kuelekea mabadiliko kwa Kituo cha Elimu cha Omani kuwa kituo halisi cha Nyaraka (angalia vilevile Oman Internet Project page [ukurasa wa mradi wa mtandao wa mawasiliano kutumia kompyuta - Internet - wa Oman] ).

HUDUMA

Sehemu hii bado inatayarishwa, kwa mantiki hiyo nyaraka na habari zetu muhimu na nyingine bado haziwezi kupatikana kupitia Internet. Kwa wakati huu tunakuunganisha na vitu vingine kwenye Internet kuhusu Oman na tunakualika kujiunga na Juhudi zetu za kukijenga kituo kamili cha Nyaraka juu ya Omani.

Kwa maelezo zaidi kuhusu Omani kwenye Mtandao wa Kompyuta (Internet)

Mtandao wa mawasiliano kutumia Kompyuta (Internet) katika Oman

Ukurasa wa WWW kwa Omani:

Taarifa kuhusu Orodha ya huduma za barua na maandiko kwa ujumla nchini Omani (Oman Maillist)

Mambo ya Msingi ya kusoma kuhusu Omani

Machapisho ya kumbukumbu kuhusu Omani / OSBI

Utafiti unaoendelea kuhusu Omani

Omani: Matukio, Mikutano, maonyesho

Orodha ya wataalamu nchini Omani na Ghuba

Ukurasa Binafsi wa Waomani na marafiki zao (URL / E-Mail Directory)

Maingiliano na Zanzibar

Tunahitaji msaada wako! Mipango na miradi kwa ajili ya siku zijazo

Kitabu cha wageni (guestbook), Barua za taarifa, URL Minders na huduma nyingine

Unataka kuona kwa haraka ni nini kimebadilika kwenye ukurasa wetu wa Mtandao wa mawasiliano kutumia Kompyuta (WEB) tangu ulipoutembelea kwa mara ya mwisho?
Basi nenda kwenye Oman Update Newsletter #11 (taarifa za hivi karibuni kabisa za Omani) au angalia kwenye habari za nyuma.

Je kuna muunganisho unakosekana? Je Kuna muunganisho ambao umepitwa na wakati? Tunakaribisha maoni na ushauri wako kuhusu kurasa ambazo ungependa kuziona zimeorodheshwa kwenye ukurasa wetu wa WEB. Tafadhali tuma ujumbe wako wa E-mail kwa omandoc@pobox.com.
Hakuna mawasiliano ya E-mail? Basi acha maoni yako kwenye Kitabu cha wageni.

We promote ISO-8859-6 Arabic standards